PEJA E PRISHTINA NDESHEN SOT NË ”KARAGAÇI” NË HAPJE TË ”PLAY OFF”-IT

Prishtinë(AsistiOnline) – Gjatë ditës së sotme do të fillojë faza e ”play off”-it të Superligës së Kosovës te meshkujt me ndeshje shumë interesante në program.

Sfida e parë do të zhvillohet ndërmjet rivalëve të vjetër, Pejës dhe Sigal Prishtinës të cilët ndeshen sonte në ”Karagaçi” me fillim nga ora 17:00.

Peja stinorin e rregullt e mbylli në vendin e katërt, kurse Sigal Prishtina në vendin e pestë. Gjatë edicionit të rregullt në katër ballafaqime, tri fitore shënuan pejanët, kurse një prishtinasit.

Ndeshja do të transmetohet direkt në Artmotion e si zakonisht, rezultatin pas çdo çereku por edhe raportin final të ndeshjes do të mund ti gjeni në portalin e vetëm shqiptar, dedikuar ekskluzivisht basketbollit, AsistiOnline.com

Të kujtojmë, se vendi i parë – Ponte Prizreni dhe Rahoveci nga vendi i dytë, janë kualifikuar direkt në gjysmëfinale të ”play off”-it.

/AsistiOnline.com/