ELIMINOHET KAMPIONI, PHOENIX SUNSI KALON TUTJE

Prishtinë(AsistiOnline) – Basketbollistët e Phoenix Suns i eliminuan ata të Los Angeles Lakers nga play offi i sivjetmë.

Kush do të thoshte që kampioni aktual i NBA-së Los Angeles Lakers nuk do të mbrojë titullin? por kjo ndodhi, Phoenix Suns i rrëzoi ata pas gjashtë ndeshjeve të luajtura në çerekfinale.

Phoenix festoi me rezultatin 113: 100 në ndeshjen e gjashtë të serisë në ”Staples Center” në Los Angeles dhe kështu i dha goditjen e fundit Lakersit të LeBron Jamesit.

Lëndimi i Anthony Davis duket se ka qenë shumë i madh dhe ka ndikuar keq në kte seri. Ai e filloi ndeshjen në pesëshen e parë, por nuk qëndroi gjatë në parket dhe u kthye në stol për shkak të dhimbjes, ku e pa humbjen e ekipit të tij dhe eliminimin.

LeBron James luajti një ndeshje shumë të mirë me 29 pikë, 9 kërcime dhe 7 asistime, ndërsa Denis Schroeder shënoi 20 pikë, 3 kërcime dhe 3 asistime, por nuk mjaftuan për fitore të Lakers.

Në radhët fituese, më i miri ishte Devin Booker, i cili shënoi plotë 47 pikë, 11 kërcime dhe 3 asistime, Jae Crowder kishte 18, dhe Chris Paul kishte 8 pikë e 12 asistime.

Në gjysmëfinale të perëndimit, Phoenix Suns do të takohen me Dennver Nuggetsin.

/AsistiOnline.com/

https://www.youtube.com/watch?v=HD9jMFPBI3s