EKSKLUZIVE: DATAT E HAPJES DHE MBYLLJES SË AFATIT KALIMTAR NË BASKETBOLLIN E KOSOVËS

Prishtinë(AsistiOnline) – Stinori i fundit në basketbollin e Kosovës ka përfunduar në më shumë se një muaj dhe përgatitjet për edicionin e ri duket se kanë filluar tashmë.

Nga burime të afërta me Federatën e Basketbollit, AsistiOnline.com ka mësuar ekskluzivisht se janë caktuar edhe datat e hapjes dhe mbylljes së afatit kalimtar të transfereve për edicionin e ri.

Afati kalimtar për basketbollistë/e pritet të fillojë me 1 gusht dhe të përfundojë me 10 të po këtij muaji dhe deri atëherë skuadrat kosovare do të kenë kohë të mjaftueshme për të hulumtuar tregun e më pas blerjet e merkatos ti konfirmojnë në FBK.

Shpejtë pritet të dihet edhe për datat e nisjes së stinorit të ri në basketbollin e Kosovës e që portali i vetëm në shqiptari, dedikuar ekskluzivisht basketbollit, AsistiOnline.com do ju mbajë të informuar, andaj qëndroni me ne.