USA PËSON HUMBJEN E DYTË RRESHT NË MIQËSORET PARA-OLIMPIKE!!

Prishtinë(AsistiOnline) – Shtetet e Bashkuara të Amerikës e kanë pësuar edhe një humbje të papritur në miqësoret para Lojërave Olimpike.

Pasi i mposhti Nigeria, Australia ishte ajo që i dha skuadrës amerikane një goditje tjetër me rezultat 91-83 në turneun miqësor në Las Vegas.

Patty Mills ishte më i miri në kte fitore të Australisë me 22 pikë, ndërsa Ingles e ndoqi me 17, Matisse Thybulle shtoi 12 sosh e Chris Goulding shënoi 11 pikë, për të kompletuar listën e shënuesve me pikë dyshifrore te Australia.

Ekipi australian mund të marrë gjithashtu një lajm të keq nga kjo ndeshje, pasiqë Aron Baynes u largua nga fusha pas vetëm katër minutave lojë, për shkak të një dëmtimi në gju.

Për amerikanët s’mjaftuan për fitore, Damian Lillard me 22 pikë, Kevin Durant me 17 e Bradley Beal që shtoi 12 pikë.

Në miqësoren tjetër të turneut, Nigeria tregoi se paraqitja e mëparshme kundër USA-së nuk ishte vetëm një rastësi dhe shënoi një fitore tjetër, por tash edhe më bindëse 94-71 kundër Argjentinës.

/AsistiOnline.com/