SHVED RIKTHEHET TE CSKA-JA

Prishtinë(AsistiOnline) – Fundori rus, Alexey Shved është rikthyer te skuadra ku u rrit dhe zhvillua si lojtar i madh.

32 vjeçari është transferuar te CSKA-ja nga skuadra tjetër ruse e Khimkit poashtu nga Moska.

Shved që ka përvojë të madhe edhe në NBA, rikthehet te CSKA-ja pas 9 viteve të kaluara në skuadra të ndryshme(Khimki, Dynamo Moscow, Minnesota, Philadelphia, Houston, New York Knicks etj).

Në stinorin 2020/21, Shved ishte lider i Euroligës me shënime në mesatare prej 19.8 pikëve për ndeshje, derisa edhe në VTB League ishte lider me shënime me mesatare 23.3 pikë për ndeshje.

”Jam shumë i lumtur që jam kthyer në shtëpi në klubin më të fortë evropian. Shpresoj se së bashku do të tregojmë rezultatet maksimale. Ne do të punojmë shumë për këtë. Mezi pres fillimin e sezonit, jam i ngazëllyer të kthehem në parket me ngjyrat e CSKA-së”, u shpreh Shved pas zyrtarizimit si lojtar i moskevitëve.

/AsistiOnline.com/