MBAHET ME SHUMË INTERESIM TRAJNIMI PËR ”FIBA SCORESHEET”

Prishtinë(AsistiOnline) – Gjatë ditës së sotme është mbajtur trajnimi për ”FIBA Scoresheet” për ekipet e Superligës-meshkuj/femra dhe ato të Ligës së parë të Kosovës.

Me organizim të FBK-së dhe nën-ligjërimin e njërit prej gjyqtarëve më të mirë kosovarë, Atdhe Goçaj, është mbajtur trajnimi për Scoresheet apo proçesverbalin në ndeshjet e basketbollit kosovar.

Numër i madh i atyre që e ndjekën këtë trajnim ishin prezentë n ligjërim që ka për qëllim nxjerrjen e kuadrove të reja, por edhe freskimin e njohurive për ata që tashmë e kanë këtë licencë.

Të kujtojmë se nga viti 2019, FIBA e ka digjitalizuar edhe Superligën e meshkujve, femrave dhe Ligën e parë të Kosovës për mbajtjen e proçesverbaleve nga këto ndeshje.

/AsistiOnline.com/