KAMPIONJA E KOSOVËS KONFIRMOHET NË LIGËN UNIKE
Prishtinë(AsistiOnline) – Kampionja e Kosovës në basketbollin kosovar femëror, KB Penza e ka konfirmuar pjesëmarrjen në BIBL për edicionin e ri.
Skuadra pejane edicionin e kaluar fitoi titullin, duke mundur në finale të “Play-off”-it, Bashkimin nga Prizreni me rezultat 3:2 në seritë finale.
Në faqen zyrtare të Ligës Unike thuhet se konfirmimi vjen pas takimeve me zyrtarët e lartë të Ligës Unike, të cilët janë në bisedime edhe me Bashkimin, që ka fituar Kupën dhe Prishtinën, që ka fituar Superkupën në Kosovë.
Pas konfirmimeve nga skuadrat kosovare do të bisedohet edhe me ato shqiptare, për pjesëmarrjen në edicionin e parë të Ligës Unike në konkurrencën e femrave, që do të fillojë më 20/21 Tetor. Në edicionin e ri do të marrin pjesë tri skuadra nga Kosova dhe tri nga Shqipëria.
Para fillimit të Ligës Unike do të organizohet Superkupa Mbarëkombëtare në të dyja konkurrencat.
/AsistiOnline.com/
Komentet janë të mbyllura.