VJEN FITORJA E DYTË E STINORIT PËR RAHOVECIN

Prishtinë(AsistiOnline) – Rahoveci e ka arritur më në fund fitoren e dytë të stinorit në ArtMotion Superligën e Kosovës.

‘Vreshtarët’ e kanë mposhtur Dritën e Gjilanit me rezultat 104-122, duke arritur fitoren e dytë sezonale ndaj tyre, por edhe të dytën e stinorit në tërësi për ta.

Rahoveci e nisi më mirë ndeshjen duke i fituar dy periodat e para(25-36, 23-29) dhe shkoi në pushim me avantazh solid 48-65. Ndërsa në pjesën e dytë, Drita fillimisht u duk se po ringjallet, sepse fitoi çerekun e tretë 29-26, por që Rahoveci shpejtë u rikthye te loja e mirë duke e fituar edhe periodën vendimtare 27-31 dhe festoi fitoren.

Te Rahoveci në këtë fitore shpresëdhënëse individët më të dalluar ishin, Altin Morina me 31 pikë, Milik Yarbrough me 26 pikë e 16 kërcime, Tyheim Monroe me 22 pikë e 16 kërcime, si dhe Musab Mala që shtoi 18 pikë.

Te Drita komplet pesëshja startuese arriti pikë dyshifrore, Isaiah Johnson(28), Marcus Myers(25), Bardh Jakupi(16), Arian Mehmeti(15) dhe Qëndrim Demi(11), por që nuk mjaftuan për fitore.

Pas xhiros së nëntë, Rahoveci gjendet i 7-ti me 10 pikë, 2 fitore e 6 humbje. Ndërsa, Drita gjendet në pozitën e fundit me 9 humbje nga po aq ndeshje të luajtura.

Në javën e ardhshme, Drita i shkon Trepçës e Rahoveci e pret Pejën.

/AsistiOnline.com/