PENZA RIKTHEHET TE FITORET

Prishtinë(AsistiOnline) – KBF Penza është rikthyer te fitoret në elitën e femrave, duke mposhtur në shtëpi Trepçën.

Vashat pejane kanë triumfuar ndaj mitrovicaseve në shtëpi me rezultat 89-58.

Amerikania e Penzës, Rael Whitsitt ishte afër shifrave kozmike quadriple-double sot me 26 pikë, 18 kërcime, 10 asiste 8 vjedhje topash e 2 bllokada, derisa nga 13 pikë kishin Valbona Bytyqi e Jeta Zeka, ndërsa Sihana Ramoja i shtoi 10 sosh.

Te Trepça vetëm Tasharra Jeffries arriti pikë dyshifrore, gjithsejt 34 sosh.

Pas kësaj fitore, Penza mbetet në vendin e dytë me 11 pikë, 5 fitore e 1 humbje. Derisa, Trepça mbetet e parafundit me 6 pikë, 1 fitore e 4 humbje, por edhe 1 ndeshje më pak.

Në javën e ardhshme, Penza i shkon Vëllaznimit e Trepça luan ndaj Kastriotit.

/AsistiOnline.com/