PËRMBYSJE E MADHE E YLLIT, BEQIRAGIQ KONFIRMON EDHE NJËHERË KLASIN E TIJ

Prishtinë(AsistiOnline) – Golden Eagle Ylli ka arritur fitore spektakolare në xhiron e 11-të në elitën kosovare të basketbollit ndaj Prishtinës.

Therandasit kanë fituar me përmbysje të madhe në kryeqytet ndaj Prishtinës 70-72.

Ishte Prishtina ajo që e nisi shumë më mirë këtë duel duke i fituar dy çerekët e parë(25-21, 23-12) dhe shkoi në pushim me avantazh të thellë 48-33.

Derisa në pjesën e dytë gjërat morën kahje tjetër, si duket presioni i Adis Beqiragiqit ndaj lojtarëve të tij që edhe pse luajtën pa dyshen e fuqishme, Erjon Kastrati-Gëzim Morina, arritën të bëjnë përmbysjen e madhe, duke fituar fillimisht çerekun e tretë 14-24 e më pas edhe periodën vendimtare 8-15 dhe në fund iu gëzuan fitores me dy pikë avantazh.

Mikaile Tmusiq shkëlqeu në këtë rikthim të madh të Yllit sonte me 25 pikë, derisa u ndihmua fuqishëm edhe nga Barret Benson me 20 e Brandon Randolph me 16 sosh.

Te Prishtina që e lëshoi fitoren nga dora u dalluan, Nikolas Tomsick me 21 pikë, Muhamedali Janjeva me 12 dhe Wendell Mitchell e Jan Palokaj me nga 11 sosh.

Pas xhiros së 11-të, Ylli ngjitet përkohësisht në pozitën e parë me 20 pikë, 8 fitore e 4 humbje. Derisa, Prishtina aktualisht gjendet e 3-ta me 17 pikë, 6 fitore e 5 humbje.

Në xhiron e rradhës, Ylli luan ndaj Dritës e Prishtina i shkon Rahovecit.

/AsistiOnline.com/