MARATONA E SOTME HAPET NË ”SEZAI SURROI” ME SUPER-PËRBALLJE

Prishtinë(AsistiOnline) – Sot vazhdon me dy ndeshjet e fundit në program, xhiro 22 e ArtMotion Superligës.

Përballja e parë do të zhvillohet në ”Sezai Surroi” të Prizrenit ku ndeshen Bashkimi dhe Peja, për të synuar fitoren e madhe që ka shumë vlerë për të dyja klubet.

Prizrenasit kanë nëntë fitore e 12 humbje, ndërsa pejanët kanë 12 fitore e shtatë humbje, andaj pritet një sfidë shumë interesante, me të dy skuadrat që duan të arrijnë synimet në këtë edicion.

Sfida fillon nga ora 17:00 dhe transmetohet direkt në Art Sport 1, si dhe Klan Kosova.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/