EKSKLUZIVE: YLLI ARRIN MARRËVESHJE ME KËTË QENDËR MALAZEZE

Prishtinë(AsistiOnline) – Kampioni aktual i Kosovës dhe i Ligës Unike, Golden Eagle Ylli duket se ka shtuar në skuadër një transfer të ri.

AsistiOnline.com ka mësuar ekskluzivisht se therandasit kanë siguruar shërbimet e qendrës malazeze, Milos Lopicic.

Lojtari në fjalë është i gjatë plotë 216 centimetra dhe luan në pozitën 5.

Që nga viti 2016 e deri tash,Lopicic ka qenë pjesë e skuadrës së Lovcenit nga Cetinje që përpos ligës kombëtare prej vitesh garon edhe në ABA Ligë, derisa Lopicic sivjet nuk zhvilloi asnjë ndeshje me ta.

Në të kaluarën lojtari në fjalë ka qenë edhe pjesë e Zielona Gorës në Poloni, Prievidzas në Sllovaki, Mariborit në Slloveni dhe Mornarit në Mal të Zi.

Therandasit pritet që shpejtë ta zyrtarizojnë 32 vjeçarin në radhët e tyre.

/AsistiOnline.com/