VIDEO LAJM: KOMPLET ASISTI 486

Adhurues të basketbollit

ASISTI 486 sjell përmbledhjet dhe analizat e komplete të gjitha garave vendore, atyre mbarëkombëtare shqiptare dhe ndërkombëtare.

Do të fillojmë me kampionatin e Kosovës në tri ligat kryesore të cilat sa shkojnë dhe bëhen më interesante: Artmotion Superliga, Superliga e Femrave dhe Liga e Parë e Meshkujve të Kosovës

Artmotion Superliga solli xhiron 22 dhe kryendeshjen mes kampiones dhe liderit aktual të Artmotion Superligës, Golden Eagle Yllit i cili në Therandë gostiti Trepçën e cila po e ndjek në hap kurse e diela solli derbin klasikë ndërmjet Bashkimit dhe Pejës si dhe përballjen e dy skuadrave që cilat  këto 4 vitet e fundit i dhënë hijeshi dhe ngritën kualitetin e elitës së basketbollit kosovar: Rahoveci dhe Prizreni-16. Në vazhdim, përmbledhja komplete e xhiros 22 me të gjitha raportet dhe në fund,  5-shja dhe MVP i Javës në ASIST.

Koha është për Ligën Unike të Meshkujve. Deri sa kampionët aktual Golden Eagle Ylli nuk patën telashe si mysafirë te Kamza dhe Rahoveci e mposhti me rezultat të thellë Vllazninë e Shkodrës në Mizahir Isma të mërkurën mbrëma, e enjtja solli ndeshje më rivalizuese, dy derbi dhe duele shumë më interesante: Tirana – Teuta dhe Prizreni – Peja. Ishin këto ndeshje të xhiros 12 nga e cila sjellim raportet e dueleve të zhvilluara në Rahovec dhe Therandë e më pas do të shohim edhe rezultatet dhe tabelën komplete pas 12 xhirove. Në vazhdim Liga Unike e Meshkujve në ASIST

ASISTIN 486 sjell edhe Ligën Unike të Femrave e cila mesjavën që shkoi zhvilloi dy ndeshjet e mbetura të xhiros 6 pasi muajin e kaluar skuadrat nga Shqipëria kishin pasur lojtare të infektuara me COVID.  Ndeshja të cilën e transmetuam në Artmotion ishte derbi ndërmjet Penzës dhe Flamurtarit të Vlorës. Në vazhdim sjellim raportin nga derbi i zhvilluar në Karagaq: Penza – Flamurtari e më pas rezultatet komplete dhe tabelën aktuale pas 9 xhirove të Ligës Unike për Femra

Lajmet nga arena ndërkombëtare i fillojmë me bllokun shumë të dashur dhe unik në ASIST:Shqiptarët në Botë për të vazhduar me Ligën rajonale më të fortë në Evropë, ABA League e cila transmetohet ekskluzivisht në Artmotion e më pas edhe me elitën e basketbollit evropian, Euroleague, ku situata është bërë lëmsh për shkak të luftës në Ukrainë dhe të gjitha ndeshjet e skuadrave ruse janë suspenduar. Krejt në fund vjen ajka: NBA

Adhurues të basketbollit ishte kjo e tëra për ASISTIN 486 dhe në fund ju sjellim TOP 10 aksionet.

KËNAQUNI NË VAZHDIM DHE NATYRISHT:  ZEMRAT TUAJA LE  T’ I NGROH DASHURIA PËR BASKETBOLL.