SONTE PËRBALLJA E PARË ÇEREKFINALE E UNIKES, MES DY SKUADRAVE KOSOVARE

Prishtinë(AsistiOnline) – Sot zhvillohen përballjet e para çerekfinale të Ligës Unike te meshkujt.

Dueli i parë zhvillohet në ”Mizahir Isma” të Rahovecit atje ku takohen ekipi ‘vreshtar’ me Prizrenin 16.

Vreshtarët përfunduan garat e rregullta me shtatë fitore e shtatë humbje, kurse prizrenasit me tetë fitore e gjashtë humbje. Në takimet mes tyre në këtë edicion të Ligës Unike, dy skuadrat kanë nga një fitore ndaj njëra-tjetrës, andaj priten dy sfida shumë interesante në çerekfinale të kësaj gare.

Skuadra që është më e mirë në dy ndeshje do të kualifikohet në gjysmëfinale, ku tashmë janë kualifikuar Golden Eagle Ylli nga vendi i parë dhe Peja nga vendi i dytë.

Sfida fillon nga ora 19:00 dhe transmetohet në Artmotion.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/