PRISHTINA E RE FITON NË MËNYRË DRAMATIKE GJYSMËFINALEN E PARË NDAJ NEW BASKETIT

Prishtinë(AsistiOnline) – Prishtina e Re e ka fituar duelin e parë gjysmëfinal të ”play off”-it ndaj New Basketit.

Ekipi prizrenas ka arritur ta mposht skuadrën nga Prizreni, New Basketin me shifrat e ngushta 72-71.

Ekipi i New Basketit e nisi më mirë këtë sfidë duke e fituar çerekun e parë goxha thellë 13-23, pastaj në të dytin vendasit arritën të këndelleshin paksa (16-15), por ekipi prizrenas shkoi në pushim me avantazh solid 29-38.

Përmbysjen e madhe Prishtina e Re sonte e bëri në çerekun e tretë duke e fituar thellë 28-14 këtë periodë, gjersa periudha e fundit dhe vendimtare i takoi ngushtë New Basketit (15-19), por deficiti nga çereku i tretë i kushtoi me humbje ekipit mysafir sonte.

Dion Haxhosaj ishte mëse fantastik në fitoren e prishtinasve sonte me double-double monstruoz prej plotë 41 pikëve e 25 kërcime, derisa mori ndihmë edhe nga Arbër Sinani me 16 pikë dhe Mërgim Jakupi me 9 sosh.

Te New Basketi nuk mjaftuan kurrsesi për fitore, Jordan Robinson me 32 pikë dhe Visar Ejupi me 17 sosh.

Prishtina e Re e fitoi duelin e parë gjysmëfinal ndaj New Basketit dhe mori avantazhin e serisë 1-0, derisa ndeshja e kthimit dhe vendimtare zhvillohet në Prizren  skuadra që ka koshaverazh më të mirë nga dy ndeshjet, arrin të kualifikohet në finalen e madhe të Ligës së parë.

/AsistiOnline.com/