DARDAN KAPITI NDËRRON KOLEGJ NË NCAA1

Prishtinë(AsistiOnline) – Reprezentuesi i Kosovës, Dardan Kapiti ka ndërruar skuadër në ligën e kolegjeve amerikane në NCAA1.

Basketbollisti i gjatë 208 centimetra ka kaluar te kolegji nga Kentucky, ”Eastern Kentucky University Colones”.

Kapiti në edicionin që sapo ka përfunduar atje, luajti për kolegjin tjetër nga NCAA1, ”Florida Atlantic University”.

Ai ishte anëtar i programit ndërkombëtar kosovar për disa vite, derisa ka luajtur për Përfaqësuesen e Kosovës dy vjet më parë dhe ka kaluar edhe në disa prej gjeneratave të reja te shteti ynë.

22 vjeçari është prej lojtarëve më premtues të Kosovës për të ardhmen.

/AsistiOnline.com/