WARRIORS NJË FITORE LARG GJYSMËFINALES SË PERËNDIMIT

Prishtinë(AsistiOnline) – Golden State Warriors janë afër kalimit në gjysmëfinale të Konferencës Perëndimore në NBA.

‘Luftëtarët’ e Steve Kerr e mposhtën Memphis Grizzliesin 101-98 në duelin e katërt të serisë çerekfinale.

I zakonshmi Stephen Curry me 32 pikë ishte individi më i dalluar te Warriors në këtë fitore, derisa u ndihmua edhe nga Andrew Wiggins që shtoi 17 pikë e 10 kërcime.

Te Grizzlies s’mjaftuan për fitore, Jaren Jackson me 21 pikë e Tyus Jones me 19 sosh.

Tash seria çerekfinale mes këtyre dy ekipeve ngritet 3-1 në favorin e Golden State dhe këtyre të fundit i’u duhet vetëm edhe një fitore për kalim tutje.

/AsistiOnline.com/