EKSKLUZIVE: ARIAN QALLAKU PRITET TË MBETET TE PEJA

Prishtinë(AsistiOnline) – Vazhdojnë zhvillimet pozitive në klubin e Pejës.

Pas arritjes së marrëveshjes me trajnerin Marin Dokuzovski dhe basketbollistin, Arti Hajdari, AsistiOnline.com ka mësuar poashtu ekskluzvisht se verdhezinjët kanë vazhduar bashkëpunimin edhe me Arian Qallakun.

30 vjeçari që mbrojti ngjyrat e Pejës edhe gjatë këtij edicioni, pritet të firmosë marrëveshje të re me klubin nga vendlindja.

Qallaku në edicionin që sapo lamë pas te Peja luajti me mesatare prej 11.8 pikëve, 4.7 kërcime e 2.7 asiste për ndeshje.

Sigurisht që edhe për Qallakun, sikurse për lojtarët e tjerë dhe merkaton e ‘nxehtë’ në basketbollin e Kosovës, AsistiOnline.com do të vazhdojë t’ju mbajë të informuar.

/AsistiOnline.com/