Prishtinë(AsistiOnline) – Skuadra kosovare e Trepçës sot e mësoi kundërshtarin e parë në kompeticionin evropian, FIBA Europe Cup.
Në raundin e parë, mitrovicasit do të ndeshen me skuadrën gjermane, BC Gottingen, derisa sfida pritet të zhvillohet rreth fundit të shtatorit e vendi ku do të luhet ballafaqimi mbetet për t’u konfirmuar.
Skuadra fituese mes Trepçës dhe Gottingenit do të ballafaqohet në gjysmëfinale të kualifikimeve me ekipin portugez të Sporting Lisbonës.
Sistemi i kësaj gare parasheh që të luhet vetëm një ndeshje në fazat kualifikuese dhe ajo do të jetë në formë turneu.
/AsistiOnline.com/
