Top-skuadra në grupin e Golden Eagle Yllit në FIBA Europe Cup

Prishtinë(AsistiOnline) – Pas eliminimit në raundin e parë të kualifikimeve në Ligën e Kampionëve, skuadra kosovare e Golden Eagle Yllit do të luajë në grupet e FIBA Europe Cup.

Skuadra nga Theranda tashmë ka mësuar kundërshtarët e fazës grupore e që janë skuadra shumë të fuqishme me buxhet të madh financiar.

Ylli do të jetë në Grupin A, ku bën pjesë edhe Hapoel Galil nga Izraeli dhe dy skuadrat gjermane, Brose Bamberg dhe Niners Chemnitz. Grupi shihet i vështirë për kampionët e Kosovës, por që duan të bëjnë paraqitje në arenën ndërkombëtare.

Sigal Prishtina nëse depërton në grupe do të jetë së bashku me Happy Casa Brindisi, Donar Groningen dhe BC Budivelnyk Kyiv, kurse Trepça nëse arrin të kalojë në grupe do të përballet me Anwil Wloclawek, Karhu Basket dhe Egis Kormend.

/AsistiOnline.com/