Super-ekskluzive: Bashkimi e transferon Dajuan Grafin

Prishtinë(AsistiOnline) – Basketbollisti amerikan, Dajuan Graf do të rikthehet përsëri në basketbollin e Kosovës, por jo te Ylli.

Siç ka mësuar ekskluzivisht AsistiOnline.com, plejmejkeri amerikan është marrë vesh me drejtuesit e Bashkimit dhe shumë shpejtë pritet të zbarkojë në Kosovë.

Graf ishte pjesë e Golden Eagle Yllit në stinorin e kaluar dhe me ekipin nga Theranda arritën të shpallen kampionë të Kosovës, gjersa ai ishte prej lojtarëve kryesorë të ekipit.

Graf te Ylli luajti me mesatare prej 11.4 pikëve, 5.5 kërcimeve e 5.3 asisteve.

Amerikani nga Charlotte në të kaluarën ka luajtur edhe në Kroaci, Gjermani dhe Ukrainë e me të Bashkimi pritet të forcojë seriozisht radhët e veta.

/AsistiOnline.com/