Peja në super-formë, triumfon edhe ndaj Rahovecit dhe blindon kreun

Prishtinë(AsistiOnline) – Skuadra e Pejës e ka arritur edhe fitoren e shtatë me radhë në elitën e basketbollit kosovar.

Verdhezinjët kanë triumfuar sonte ndaj Rahovecit me shifrat

Rrjedha e ndeshjes ishte goxha interesante me Pejën që e fitoi ngushtë çerekun e parë 23-20, derisa perioda e dytë u mbyll baraz (19-19) dhe skuadrat shkuan në pushim me vetëm 3 pikë dallim në favor të vendasve.

Në pjesën e dytë, vazhdoi loja e ngushtë por Peja e mbajti avantazhin dhe triumfoi në të dyja periodat vendimtare (22-17, 22-20) dhe kështu e siguroi edhe një fitore shumë të vlefshme.

Rodney Purvis edhe sonte ishte më meritori te Peja me 22 pikë, gjersa u ndihmua edhe nga Jalen Tate me 20 e Taylor Adway me 15 sosh.

Te Rahoveci, Isaiah Manderson ishte i pandalshëm sonte me double-double monstruoz prej 26 pikëve e 13 kërcimeve, si dhe Jahii Carson me 16 pikë e 11 asiste, por që s’mjaftuan për fitore.

Me këtë triumf, 7 fitore nga 7 ndeshje, Peja mbetet bindshëm e para në tabelë, gjersa Rahoveci mbetet kah fundi me vetëm 1 fitore e 6 disfata.

Në xhiron e ardhshme, Peja e pret Sigal Prishtinën e Rahoveci i shkon Golden Eagle Yllit.

/AsistiOnline.com/