Trepça rikthehet te fitoret, triumfon thellë ndaj Rahovecit

Prishtinë(AsistiOnline) – Trepça e ka nisur mbarë vitin 2023 në elitën e basketbollit kosovar, duke arritur fitore të thellë ndaj Rahovecit.

“Xehtarë” e kanë mposhtur thellë në udhëtim skuadrën e Rahovecit me shifrat finale 62-97.

Ndeshja nuk është se kishte ndonjë historik interesant me mysafirët që dirigjuan duelin nga fillimi e deri në fund (15-20, 11-27, 19-26, 17-24) dhe në fund triumfuan me meritë.

Katër basketbollistë realizuan pikë dyshifrore te Trepça në këtë fitore, Andrew Gordon(22), Valdrin Haxhiu(15) dhe Mikaile Tmusiq(13) e Drilon Hajrizi (13).

Te Rahoveci u dalluan, Visar Ejupi me 16 pikë dhe Ujkan Karanezi e Braxton Hugins që shtuan nga 14 sosh.

Pas 17 xhirove, Trepça ka 9 fitore e 8 humbje, gjersa Rahoveci mbetet në kuotën e vetëm 2 fitoreve dhe 14 humbje.

Në xhiron e ardhshme, Trepça e pret Prishtinën e Rahoveci i shkon Bashkimit.

/AsistiOnline.com/