Rahoveci me fitore të madhe ndaj Vëllaznimit, vazhdon shpresat për mbijetesë

Prishtinë(AsistiOnline) – Rahoveci e ka mposhtur Vëllaznimin në kuadër të xhiros 23 në elitën e basketbollit kosovar.

‘Vreshtarët’ kanë tirumfuar në ”Mizahir Isma” pas vazhdimeve me rezultat 88-84.

Rrjedha e ndeshjes ishte tejet interesante me vendasit që fituan çerekun e parë 21-15, gjersa i shpejtë ishte reagimi i mysafirëve që fituan të dytin (13-23) dhe shkuan në pushim mes pjesëve me avantazh (34-38).

Në pjesën e dytë, Rahoveci e nisi pak më mirë duke e fituar çerekun e tretë minimalisht (22-21) e vazhdoi pak më mirë edhe në periodën e fundit të kohës së rregullt (20-17), por që nuk arriti të fitojë në kohën e rregullt, pasi ndeshja shkoi në vazhdime (76-76).

Në vazhdimin e parë u përshkua poashtu lojë e fortë me Rahovecin që ishte më i mirë për pak noanca (12-8) me çka edhe korri fitoren e madhe që e mban me shpresë për mbijetesë.

Plotë gjashtë lojtarë realizuan pikë dyshifrore te Rahoveci sonte, Edmond Kryeziu (18), Gary Blackston (17), Igor Chumakov (14), Jack Pagenkopf (13) dhe Visar Ejupi (10) e Mike Green (10).

Te Vëllaznimi s’mjaftuan kurrsesi për fitore, Damonte Dodd e Devin Johnson me nga 17 pikë.

Kur kanë mbetur edhe 5 xhiro nga mbyllja e stinorit të rregullt, Rahoveci ka 3 fitore e 20 humbje, gjersa Vëllaznimi ka 8 fitore e 15 humbje.

Në xhiron e ardhshme, Rahoveci i shkon Trepçës e Vëllaznimi e pret Sigal Prishtinën.

/AsistiOnline.com/