Sot mund të përcaktohet kampioni i ri në Superligën e Kosovës te Femrat

Prishtinë(AsistiOnline) – Sot zhvillohet ndeshja e katërt e serisë finale në Superligën e Kosovës te Femrat.

Në Pallatin e Rinisë dhe të Sporteve në Prishtinë, ndeshen KBF Prishtina dhe KBF Bashkimi, ku bilanci aktual qëndron 2-1 në favorin e vashave prizrenase të Bashkimit.

Me fitore eventuale sot, KBF Bashkimi shpallet kampion i Kosovës, ndërsa nëse KBF Prishtina barazon serinë në 2:2 me një fitore eventuale, finalja vendimtare do të zhvillohet në Suharekë të martën e ardhshme.

Bashkimi ka arritur fitore në ndeshjen e parë të Play Off-it me rezultat 92:76, pastaj Prishtina e barazoi serinë, pasi arriti fitore në finalen e dytë me shifra 79:66. Bashkimi fitoi ndeshjen e tretë e cila u mbyll me vetëm një pikë diferencë 70:69.

Sfida e sotme fillon nga ora 17:00 dhe transmetohet direkt në Sport1 në të gjitha platformat televizive vendore. /AsistiOnline.com/