Bomba e mbrëmjes nga Turqia: Erxhan Osmani drejt Anadolu Efesit
Prishtinë(AsistiOnline) – Basketbollisti shqiptar, Erxhan Osmani mund të transferohet te gjiganti i basketbollit turk dhe evropian, Anadolu Efes.
Kështu kanë raportuar gjatë ditës së sotme mediat turke, duke e bërë punë të kryer transferimin e lojtarit që luan edhe në Kombëtaren turke.
24 vjeçari i gjatë 206 centimetra në edicionin e fundit është paraqitur me Darussafakën në ligën turke dhe Ligën e Kampionëve.
Në Ligën e Kampionëve, Osmani ka pasur mesatare prej, 10.1 pikë, 6.5 kërcime, 1.0 asistime e 1.5 vjedhje topash, derisa në elitën turke ka luajtur me, 9 pikë, 4.8 kërcime, 1.7 asistime e 0.6 vjedhje topash.
Transferimi i Osmanit te Efesi do të ishte një hap i madh në karrierën e tij, pasiqë skuadra nga Stambolli njihet si një prej ekipeve më të mëdha në Evropë dhe ka licencë të përgjithshme në Euroligë. /AsistiOnline.com/
Komentet janë të mbyllura.