Derbi i ditës së sotme në Gjakovë mes Vëllaznimit e Bashkimit

Prishtinë(AsistiOnline) – Sot fillon me dy ndeshje tejet interesante xhiro e nëntë e Superligës së Kosovës te meshkujt.

Dueli i parë dhe derbi i ditës zhvillohet në palestrën ”Shani Nushi” të Gjakovës që në xhirot e fundit është bërë arenë e pathyeshme për kundërshtarët.

Vëllaznimi do të kërkojë fitoren e pestë radhazi. Kuqezinjtë janë motivuar sidomos pas fitoreve ndaj Sigal Prishtinës dhe Pejës, ndërsa do të ballafaqohen me Bashkimin, që pas një starti shumë të mirë, ka pasur rënie të formës.

Vëllaznimi ka katër fitore e katër humbje, ndërsa Bashkimi tri fitore e pesë humbje.

Ndeshja fillon nga ora 17:00 dhe transmetohet direkt në Artsport.

/AsistiOnline.com/