Bashkimi sonte kërkon revansh ndaj Prishtinës

Prishtinë(AsistiOnline) – Sonte nis xhiro e 26-të e Superligës së Kosovës me një duel tejet interesant.

Në Prizren do të ndeshen dy skuadrat me traditë në basketbollin e Kosovës, Bashkimi dhe Sigal Prishtina.

Prizrenasit ndodhen në vendin e gjashtë me dhjetë fitore e 15 humbje, kurse prishtinasit në vendin e katërt me 15 fitore dhe dhjetë humbje. Të dy skuadrat kërkojnë një vend sa më lartë në renditje, që është shumë e rëndësishme për “Play-off”.

Në tri ndeshjet direkte sivjet ka triumfuar ekipi i Prishtinës, por kryesisht me rezultate të ngushta e sidomos në ndeshjen e fundit ku pati shumë ankesa nga prizrenasit, megjithatë mbetet të shihet se si do të rrjedhin gjërat sonte.

Ndeshja fillon nga ora 19:00 dhe transmetohet direkt në Sport1.