Fitorja e pestë radhazi për Yllin e Therandës

Golden Eagle Ylli ka vazhduar me formë të lartë në Prince Caffe Superligë, ku në xhiron e 26-të shënoi fitore ndaj Vëllaznimit me rezultat 77:64 (18:14, 20:14, 21:23, 18:13).

Vendasit për një nuancë ishin më të mirë në pjesën e parë, duke e mbyllur me dhjetë pikë dallim, 38:28. Ndërsa në pjesën e dytë, përkundër tentimeve nga mysafirët, therandasit nuk lejuan shkrirjen e epërsisë dhe fituan 77:64.

Alonzo Verge Jr ishte më i miri te Golden Eagle Ylli me 23 pikë, katër kërcime e nëntë asistime, kurse Jordan Dallas më i miri te Vëllaznimi me 15 pikë e tetë kërcime.

Golden Eagle Ylli ka 17 fitore e nëntë humbje, ndërsa Vëllaznimi ka 11 fitore e 15 humbje.