Bashkimi njofton se në finalen e sontme hyrja është gratis

Sonte nis seria finale e Superligës së Kosovës te femrat.

Bashkimi ka avantazhin e terrenit vendas në këtë seri ndaj Prishtinës dhe kësisoj ndeshjen e parë e zhvillon sonte në palestrën ”Sezai Surroi” në Prizren.

Klubi portokalli ka njoftuar në rrjetet sociale se hyrja për tifozët dhe qytetarët e Prizrenit në këtë ndeshje është gratis.

Bashkimi është kampion aktual i Kosovës, derisa në vitet e fundit e ka dominuar basketbollin kosovar femëror pothuajse tërësisht.