Prishtinë(AsistiOnline) – Shtetet e Bashkuara të Amerikës janë finalisti i dytë i Olimpiadës 2024 e cila po mbahet në shtetin e Francës.
Amerikanët kanë fituar në gjysmëfinale ndaj Serbisë me rezultat 95-91 edhe pse pothuajse tërë minutazhën e ndeshjes ishin duke humbur ku asgjë nuk ju shkonte për dore, megjithatë amerikanët si amerikanët, a ka që i mposht? së paku jo këtë skuadër të super-yjeve.
Stephen Curry ishte i pabesueshëm sonte në rradhët e amerikanëve me plot 36 pikë, prej tyre 9 treshe nga 14 tentime, me Joel Embiid që kishte 19 pikë dhe king LeBron James që shtoi 16 pikë.
Te Serbia, Bogdan Bogdanoviq kishte 20 pikë e Nikola Jokiq shtoi 17 të tjera.
Kjo fitore i siguron SHBA-ve finalen e madhe të Olimpiadës aty ku takohen me Francën e Serbia luan për medaljen e bronztë kundër Gjermanisë. /AsistiOnline.com/
