Me 2 lojtare të huaja Bashkimi e mposht Flamurtarin e Vlorës me 6 të huaja

Prishtinë(AsistiOnline) – Me ndeshjen mes Bashkimit të Prizrenit dhe Flamurtarit të Vlorës, ka nisur sot Liga Unike mes Kosovës dhe Shqipërisë në konkurrencën e femrave.

Vashat e Bashkimit kanë arritur fitore të madhe ndaj atyre të Flamurtarit me rezultat 82-73.

Ekipi prizrenas nga fillimi e deri në fund udhëhoqi me rezultat edhe pse paraqitej me vetëm me 2 lojtare të huaja, karshi Flamurtarit që kishte në përbërje 6 të tilla , madje nganjëherë luanhte me 5 prej tyre në parket.

Caterrion Thompson kishte plot 36 pikë te Bashkimi, derisa Përçuku shtoi 22 e kapitenia Muhadri me 13 të tjera.

Te Flamurtari, Desiree Ramos kishte 23 pikë e Samra Omerbacis shtoi 15.

Në xhiron e dytë, Bashkimi e pret Partizanin e Flamurtari luan ndaj Tiranës.

/AsistiOnline.com/