Sonte dy përballje mjaft interesante nga Superliga, vëmendja kryesore në Pejë
Peja-Sigal Prishtina do të ndeshen sërish, kësaj radhe sonte në javën e 12 të Superligës.
Ky është derbi i tretë për një kohë të shkurtër, ku dy skuadrat me traditë u përballën dy herë për Kupë. Në çerekfinale të Kupës, shënuan nga një fitore ndaj njëra-tjetrës, por bardhekaltrit kishin koshdallim më të mirë nga dy sfidat dhe kaluan në gjysmëfinale, ku do të ndeshen me rivalen tjetër, Trepçën.
Në elitën e basketbollit, pejanët kanë pesë fitore e gjashtë humbje, ndërsa prishtinasit gjashtë fitore e katër humbje.
Trepça – Proton Cable Prizreni po ashtu u përballën në çerekfinale të Kupës, ku mitrovicasit fituan dy ndeshjet dhe kaluan në gjysmëfinale. Takimi do të zhvillohet sonte sërish në Prizren. Kampionët e Kosovës janë në vendin e parë me nëntë fitore e dy humbje, kurse prizrenasit kanë tri fitore e tetë humbje.
Superliga-Java 12
E shtunë
17:00 Peja – Sigal Prishtina
19:00 Trepça – Proton Cable Prizreni
Komentet janë të mbyllura.