Ekskluzive: Kevin Capers mund të rikthehet te Trepça

Prishtinë(AsistiOnline) – Forma e luhatshme e kampiones aktuale të Kosovës Trepçës, ka bërë që drejtuesit e klubit të mendojnë për ndryshime serioze.

Siç mëson AsistiOnline.com, amerikani Kevin Capers i cili ishte prej lojtarëve vendimtarë në rikthimin e titullit kampion te Trepça në edicionin e kaluar, mund të rikthehet në Mitrovicë.

Capers deri tani ishte pjesë e ekipit izraelit Maccabi Rehovot në ligën e parë të këtij shteti ku në 16 ndeshje kishte 12.9 pikë, 3.8 kërcime e 4 asiste për ndeshje e sot klubi në fjalë njoftoi se ka ndarë rrugët me të, gjë që nxit edhe më tepër dyshimet për një ribashkim mes ekipit tonë kosovar me Capers.

Gjatë orëve në vazhdim mund të ketë edhe zhvillime konkrete lidhur me këto bisedime. /AsistiOnline.com/