Sonte El Clasico e basketbollit kosovar, vendoset finalisti i parë i Kupës

Prishtinë(AsistiOnline) – Sonte vendoset finalisti i parë i Kupës së Kosovës.

Trepça dhe Prishtina takohen në palestrën “Minatori” në Mitrovicë, në ndeshjen e kthimit  për të kërkuar finalen e madhe.

Në ndeshjen e parë, prishtinasit fituan 67:65, edhe pse kishin epërsi deri në 24 pikë, 27:3. Dy pikë dallim bën që sfida të jetë e paparashikueshme.

Mitrovicasit duhet të fitojnë me tre pikë dallim nëse duan kualifikimin tutje, ndërsa bardhekaltrit humbja me një pikë, barazimi apo fitorja i kualifikon tutje.

Kjo sfidë luhet nga ora 18:30 dhe transmetohet direkt në Sport1z