Ylli anulon ndeshjen për vendin e tretë në Ligën Unike

Golden Eagle Ylli ka vendosur të mos udhëtojë për të zhvilluar ndeshjen për vendin e tretë në Ligën Unike.

Në një njoftim zyrtar, klubi nga Suhareka ka sqaruar se vendimi është marrë pas mbledhjes së Bordit, duke përmendur si arsye mbingarkesën e lojtarëve dhe situatën me lëndimet e shumta në javët e fundit.

Ylli rikujtoi se ekipi ka zhvilluar një ndeshje të rëndësishme në Superligë kundër Bashkimit të shtunën dhe se gjendja aktuale e lojtarëve nuk e lejon përballjen në këtë duel.

Në përfundim, klubi ka uruar sukses për ekipet pjesëmarrëse në finale.