Prizreni dhe Ylli hapin xhiron e fundit të stinorit të rregullt

Kjo fundjavë do të dhurojë ndeshje shumë interesante, në javën e 28-të të Superligës së Kosovës te meshkujt, apo të fundit për garat e rregullta.

Takimi i parë i xhiros luhet sot mes Proton Cable Prizrenit dhe Golden Eagle Yllit, ku prizrenasit janë në vendin e fundit me pesë fitore e 22 humbje, ndërsa therandasit kanë 14 fitore e 13 humbje, aq sa edhe Peja.

Ndeshja nis nga ora 17:00 dhe luhet në palestrën ”Sezai Surroi”.