Trevon Allen është përforcimi më i ri i KB Golden Eagle Yllit për sezonin e ri në Superligën e Kosovës.
Lojtari është i gjatë 187 centimetra dhe luan në pozitat 2-3.
Basketbollisti amerikan, i lindur më 1998, vjen nga kampionati i fortë grek ku ishte pjesë e ASK Karditsa, me të cilët regjistroi mesatarisht 11.2 pikë, 2.5 kërcime dhe 1.8 asistime për ndeshje.
Përveç aventurës në Greqi, Allen ka luajtur edhe në disa ekipe evropiane si Pallacanestro Cantù në Itali, Sokol Hradec Králové në Çeki dhe Kapfenberg Bulls në Austri, duke treguar vlera të mëdha në çdo skuadër ku ka qenë.
Transferimi i tij shihet si një hap i rëndësishëm për skuadrën nga Theranda, e cila me këtë përforcim shton eksperiencë dhe cilësi në radhët e saj për sfidat e ardhshme ku po synon trofetë. /AsistiOnline.com/
