Dardan Berisha do të vazhdojë të jetë pjesë e Pejës edhe në edicionin e ri 2025/26.
Faqja zyrtare e klubit ka njoftuar se kapiteni verdhezi, që prej vitesh është figura kryesore e klubit pejan dhe e basketbollit kosovar në përgjithësi, ka arritur marrëveshje me skuadrën e zemrës për ta zgjatur bashkëpunimin.
Berisha, i cili ka bartur për shumë vite fanellën e Pejës, njihet për lojën e tij vendimtare, përvojën dhe lidershipin brenda parketit. Ai ka qenë gjithmonë inspirim për gjeneratat e reja të basketbollistëve dhe një shtyllë e rëndësishme për klubin, sidomos në ndeshjet kyçe të Superligës dhe garave ndërkombëtare.
Ky vazhdim i kontratës është lajm i madh për Pejën dhe tifozët e saj, të cilët do të kenë sërish mundësinë ta shohin ikonën e basketbollit kosovar duke udhëhequr ekipin drejt synimeve të reja në sezonin e ardhshëm. /AsistiOnline.com/
