Para fillimit të sezonit të ri në Superligën e Kosovës, KB Vëllaznimi po përballet me sfida të rëndësishme organizative.
Ekipi gjakovar ka shfaqur rezultate të dobëta gjatë ndeshjeve përgatitore, duke humbur të gjitha përballjet e zhvilluara deri më tani.
Drejtuesit e klubit tashmë kanë marrë sinjalet, ndërsa pritet që skuadra të pësojë ndryshime të rëndësishme. Shumë nga lojtarët e huaj që nuk kanë arritur të përmbushin pritshmëritë e klubit mund të largohen, ndërsa po mendohet për përforcime të reja që do të fuqizojnë skuadrën para fillimit të kampionatit.
Sezoni i ri nis me një sfidë të vështirë për Vëllaznimin, i cili në ndeshjen e parë do të përballet me Bashkimin. Drejtuesit e ekipit shpresojnë që ndryshimet e planifikuara të sjellin një rikthim të fuqishëm dhe rezultate pozitive në fushë. /AsistiOnline.com/
