Prishtina e nisi me fitore aventurën e saj në ENBL League, duke mposhtur ekipin norvegjez BC Gimle me rezultat 90-79.
Në këtë sukses të bardhekaltërve, figura kryesore në momentet deçizive ishte Don Polloshka, i cili tregoi edhe një herë se këtë edicion pritet të jetë vendimtar për skuadrën prishtinase.
Polloshka në vetëm 24 minuta lojë realizoi 15 pikë, ndër to 3 treshe nga 4 tentime, duke dëshmuar efikasitet të lartë në sulm. Përveç shënimeve, ai kontribuoi edhe me 4 asiste dhe 3 kërcime, duke qenë prezent në të gjitha aspektet e lojës.
Ky paraqitje e fuqishme e tij jo vetëm që i dha siguri Prishtinës në ndeshjen e parë të kompeticionit, por njëkohësisht paralajmëron një sezon të madh për lojtarin e ri, i cili po rritet në një nga shtyllat kryesore të skuadrës. /AsistiOnline.com/
