Skuadra e KB Vëllaznimit ka zyrtarizuar sonte afrimin e radhës për sezonin e ri, duke nënshkruar me basketbollistin amerikan Marques Warrick.
Warrick është 23-vjeçar, me gjatësi 190 cm, dhe luan në pozitën e fundorit. Ai do të debutojë për herë të parë në basketbollin evropian me fanellën kuqezi.
Basketbollisti amerikan ka një përvojë të pasur në NCAA1, ku ka zhvilluar pesë sezone në basketbollin universitar amerikan. Katër prej tyre i kaloi me Northern Kentucky Norse (2020–2024), ndërsa sezonin e fundit e mbylli me Missouri Tigers.
Nga klubi kanë uruar mirëseardhje për përforcimin e ri, duke theksuar besimin se Warrick do të sjellë energji dhe cilësi shtesë në repartin e jashtëm të skuadrës. /AsistiOnline.com/
