Skuadra e Pejës debuton sonte në Ligën Evropiane të Balltikut (ENBL), ku do të përballet me ekipin estonez Rigas Zelli.
Ndeshja zhvillohet nga ora 19:00 në palestrën e Pallatit të Rinisë dhe Sporteve në Prishtinë, që do të jetë skena e duelit të parë evropian për verdhezinjtë në këtë edicion.
Rivali i mbrëmjes së sotme, Rigas Zelli, e ka nisur garën me fitore, duke mposhtur si mysafir skuadrën e njohur polake Dziki Warszawa, çka e bën sfidën edhe më të vështirë për ekipin kosovar.
Peja synon ta nisë me këmbë të mbarë rrugëtimin në këtë garë prestigjioze, megjithëse pritet të përballet me një kundërshtar të organizuar dhe në formë të mirë.
ENBL – Peja vs Rigas Zelli
Ora: 19:00
Pallati i Rinisë dhe Sporteve – Prishtinë
