Ekipi kampion i Kosovës, Trepça, e nis sonte rrugëtimin në fazën e grupeve të FIBA Europe Cup, me ndeshjen e parë kundër skuadrës së njohur greke PAOK, që zhvillohet në Selanik me fillim nga ora 19:15.
Mitrovicasit përballen me një sfidë të madhe ndaj një rivali me përvojë në arenën evropiane.
Trepça synon të tregojë lojë të fortë dhe karakter në debutimin e saj në grupe, duke kërkuar një paraqitje dinjitoze kundër një ekipi që luan rregullisht në garat evropiane.
Takimi PAOK – Trepça do të jetë një mundësi e madhe për klubin mitrovicas të përfaqësojë denjësisht basketbollin kosovar në një nga kompeticionet më prestigjioze të kontinentit.
PAOK – Trepça
19:15
Selanik, Greqi
FIBA Europe Cup (faza e grupeve)
