Një rikthim i veçantë pritet në ndeshjen e sontme të Dinamo Zagrebit, pasi një nga lojtarët e saj boshnjak do të zbresë sërish në parketin kosovar, edhe këtë herë si kundërshtar i bardhekaltërve.
Bëhet fjalë për lojtarin Imran Polutak, që sezonin e kaluar ishte pjesë e ekipit të Golden Eagle Yllit, ku u bë një prej lojtarëve më të rëndësishëm në përbërje, duke lënë mbresa te tifozët dhe te klubi.
Tashmë, ai vjen me fanellën e Dinamo Zagrebit, për të përfaqësuar klubin kroat në arenën ndërkombëtare.
Dinamo Zagrebi do të përballet sonte me Prishtinën në kuadër të ENBL League, me fillim nga ora 19:00, ndërsa për lojtarin boshnjak kjo do të jetë një rikthim plot kujtime në vendin ku la gjurmë sezonin e kaluar. /AsistiOnline.com/
