Skuadra e Trepçës do të kërkojë fitoren e parë në FIBA Europe Cup, ku sonte do të përballet në udhëtim me ekipin gjerman Braunschweig.
Ndeshja zhvillohet nga ora 18:30, në Gjermani, dhe është pjesë e fazës së grupeve të kësaj gare evropiane.
Trepça deri më tani nuk ka arritur asnjë fitore, ndërsa skuadra gjermane ka një bilanc mbresëlënës me 3 fitore dhe vetëm 1 humbje.
Sfida pritet të jetë mjaft e vështirë për kampionët e Kosovës, të cilët synojnë të japin maksimumin për të regjistruar rezultatin e parë pozitiv në këtë edicion të FIBA Europe Cup. /AsistiOnline.com
