Sonte zhvillohet derbi i xhiros së shtatë në elitën e basketbollit kosovar mes Prishtinës dhe Trepçës.
E njohur prej dekadash si El Clasico e basketbollit kosovar, kjo përballje gjithmonë garanton rivalitet dhe luftë të madhe në parket, për çka janë të njoftuar gjithmonë lojtarët e dy ekipeve.
Deri tani, bardhekaltrit kanë katër fitore e dy humbje, ndërsa ‘Xehetarët’ tri fitore e dy humbje, duke e bërë këtë sfidë edhe më interesante, ashtu siç kanë qenë gjithmonë përballjet ndërmjet këtyre dy skuadrave.
Përballja nis nga ora 17:00 dhe transmetohet direkt në Artmotion.
