Në korrik të vitit 2010 , në Prishtinë u organizua turneu miqësor ku morën pjesë Kosova, Shqipëria dhe Emiratet e Bashkuara Arabe.
Para turneut, kapiteni i parë i Përfaqësueses së Kosovës në Basketboll pas shpalljes së Pavarësisë së Kosovës, Valentin Spaqi ia dhuroi Presidentit të Kosovës asokohe, Fatmir Sejdiut, fanellën me numër 193 me simbolikë se Kosova ishte shteti i 193-të më i ri i pranuar ndërkombëtarisht, duke reflektuar krenarinë dhe aspiratat e shtetit tonë për pranim në organizatat ndërkombëtare sportive, pasi asokohe nuk ishim të pranuar.
Kjo ceremoni historike u zhvillua në organizim të përbashkët të Presidencës dhe Federatës së Basketbollit të Kosovës
Sa i përket vet turneut, Kosova mposhti Shqipërinë me rezultat 101:93 kures duhet theksuar se asokohe për kuqezinjtë kishte kaluar të luante legjenda dhe basketbollisti më i mirë shqiptarë i gjitha kohëve, Ermal Kuqo.
Ndërkohë, Kosova mposhti edhe Emiratet e Bashkuara Arabe me rezultat të thellë 127:58 për ta fituar këtë turne kurse selektor i Kosovës kishte qenë Agim Kasapolli.
