Sonte në Prishtinë u zhvillua finalja e Kupës së Kosovës 2025 për Veteranët.
Në këtë finale u takuan Prishtina dhe Trepça dhe në fund triumfoi ekipi prishtinas 74-61, në një ndeshje tepër interesante e mbi të gjitha fer dhe korrekte.
Lojtari më i dalluar i ndeshjes te Prishtina ishte Edmond Azemi i cili u shpall edhe MVP i finales, gjersa te Trepça u dallua Artan Mehmeti.
Veteranët e basketbollit kosovar sivjet kanë zhvilluar një mori ndeshjesh dhe në ndeshjet e tyre ka shumë atmoferë pozitive, si dhe sjellje korrekte e miqësore.
Një falenderim i veçantë për organizatorin e garave të Veteranëve, legjendën e Trepçës Naim Hajrizi, i cili edhe sonte na mbajti të informuar për ecurinë e kësaj ndeshje finale. /AsistiOnline.com/
