Superliga e Kosovës rikthehet sonte me një nga përballjet më interesante të javës së 8-të, ku Sigal Prishtina dhe Golden Eagle Ylli do të kërkojnë të gjejnë ritmin e fitoreve pas luhatjeve në javët e fundit.
Prishtinasit në këtë sezon numërojnë katër fitore dhe tri humbje, ndërsa Ylli është në kërkim të rikthimit, me vetëm një fitore në shtatë ndeshje. Dueli i parë mes tyre, i zhvilluar në Therandë, ishte tejet i ngushtë dhe u mbyll 76:78 në favor të kryeqytetasve.
Për therandasit, kjo sfidë merr edhe më shumë peshë, pasi trajneri i ri Sarin debuton pikërisht kundër ekipit me të cilin ka pasur sukses në të kaluarën, duke shtuar interesin dhe emocionin rreth këtij takimi.
Ndeshja zhvillohet në Suharekë, për shkak se palestrat në Prishtinë janë të zëna, ndërsa fillimi i saj është caktuar për ora 18:45.
Prishtina kërkon të konsolidojë pozitën në renditje, ndërsa Ylli synon të ringjallet me trajnerin e ri — duke premtuar një sfidë me intensitet dhe rivalitet të lartë. /AsistiOnline.com
